Lykilsamningur

Lykilsamningur er einfalt og þægilegt fjármögnunarform sem hægt er að fá til fjármögnunar bifreiðar eða skráningarskylds tækis.

Allt að 80% fjármögnun til fyrirtækja

Með Lykilsamningi á fyrirtæki kost á allt að 80% fjármögnun. Að uppfylltum lánsskilyrðum semur fyrirtæki um kaupverð á bílnum og greiðir 20% út. Lykill greiðir afganginn. Lykill býður einnig einstaklingum að nýta sér Lykilsamning. Kynntu þér fjámögnun einstaklinga nánar hér.

Allt að 7 ára samningstími á nýjum og nýlegum bílum

Fyrirtæki getur valið hvaða samningstíma sem er svo lengi sem það er innan marka um aldur bifreiða. Samningstími nýrra og nýlegra bifreiða getur verið allt að 7 ár en samanlagður aldur notaðrar bifreiðar og samningstími getur að hámarki verið 12 ár.

Lykilsamningur fyrir nýja og nýlega bíla

Lykill býður Lykilsamning til fyrirtækja upp að 80% af kaupverði til allt að 7 ára.

Lykilsamningur fyrir notaða bíla

Fyrirtæki getur fengið Lykilsamning til að kaupa notaðan bíl. Reglurnar eru einfaldar þú getur fengið allt að 80% samning í allt að 7 ár og samanlagður aldur bílsins og samningstími verið að hámarki 12 ár.

Lykilsamningur fyrirr önnur skráningarskyld tæki

Fyrirtæki getur fengið fjármögnun á önnur skráningarskyld tæki með Lykilsamningi fyrir allt að 75% af kaupverði. Samningstími annarra skráningarskyldra tækja getur verið allt að 5 ár en samanlagður aldur og samningstími getur að hámarki verið 10 ár. Önnur skráningarskyld tæki sem hægt er að fjármagna með Lykilsamningi geta verið mótorhjól, fjórhjól, snjósleðar, húsbílar, hjólhýsi og aðrir ferðavagnar.

Lykilsamningur er óverðtryggður

Lykilsamningur er óverðtryggður með breytilegum vöxtum í samræmi við gjaldskrá Lykils á hverjum tíma og taka breytingar mið af almennum vaxtabreytingum á millibankamarkaði á Íslandi. Lykillán er með jöfnum greiðslum (annuitet) sem þýðir að greiðslubyrðin er jöfnuð yfir lánstímann. Vextir eru breytilegir í samræmi við gjaldskrá Lykils á hverjum tíma og gilda þá ákvæði skuldabréfs hvað varðar þær breytingar.

Lykill er skráður eigandi – fyrirtæki umráðamaður

Lykilsamningur er hefðbundinn bílasamningur þar sem Lykill er skráður eigandi en fyrirtækið umráðamaður. Að samningstíma loknum verður fyrirtækið skráður eigandi.

Borga samninginn hraðar niður

Fyrirtækið getur borgað Lykilsamninginn hraðar niður. Til að lækka vaxtakostnað er góð leið að greiða inn á samning. Hægt er að greiða aukalega inn á Lykilsamning eða greiða hann upp hvenær sem er á lánstíma án nokkurs uppgreiðslugjalds.

Reiknivél fyrir Lykilsamning

Auðvelt er að reikna út samning miðað við mismunandi forsendur og sjá greiðslubyrði með því að smella hér á reiknvél.

Nánari upplýsingar um Lykilsamning

Lykill er skráður eigandi bifreiðar á samningstímanum en kaupandi er skráður umráðamaður. Samningurinn er með jöfnum greiðslum (annuitet) sem þýðir að greiðslubyrðin er jöfnuð yfir lánstímann. Vextir eru breytilegir í samræmi við gjaldskrá Lykils á hverjum tíma og gilda þá ákvæði samningsins hvað varðar þær breytingar.

Hægt er að greiða aukalega inn á samninginn eða greiða hann upp hvenær sem er á samningstíma án nokkurs uppgreiðslugjalds.

Allar frekari upplýsingar veita viðskiptastjórar Lykils í síma 540 1700 eða með tölvupósti á lykill@lykill.is