Lykillán fyrir fyrirtæki

Lykillán er einfalt og þægilegt skuldabréfaform fyrir fjármögnun fyrirtækja vegna kaupa bifreiða eða skráningarskyldra tækja.

Allt að 80% fjármögnun til fyrirtækja

Með Lykilláni á fyrirtæki kost á allt að 80% fjármögnun. Að uppfylltum lánsskilyrðum semur fyrirtæki um kaupverð á bifreið eða tæki og greiðir 20% út. Lykill greiðir afganginn. Lykill býður einnig Lykillán fyrir einstaklinga sjá nánar hér.

Allt að 7 ára lánstími á nýjum og nýlegum bílum

Fyrirtæki getur valið hvaða lánstíma sem er svo lengi sem það er innan marka um aldur bifreiða. Lánstími nýrra bifreiða getur verið allt að 7 ár en samanlagður aldur notaðrar bifreiðar og lánstími getur að hámarki verið 12 ár.

Lykillán fyrir nýja bíla

Lykill býður lykillán til fyrirtækja upp að 80 % af kaupverði nýrra bíla til allt að 7 ára.

Lán fyrir notaða bíla

Lykill býður lykillán til að kaupa notaðan bíl. Reglurnar eru einfaldar þú getur fengið allt að 80% lán í allt að 7 ár og samanlagður aldur bílsins og lánstími geta að hámarki verið 12 ár.

Lán fyrir önnur skráningarskyld tæki

Fyrirtæki getur fengið fjármögnun á önnur skráningarskyld tæki fyrir allt að 75% af kaupverði. Lánstími annarra skráningarskyldra tækja getur verið allt að 5 ár en samanlagður aldur og lánstími getur að hámarki verið 10 ár. Önnur skráningarskyld tæki sem hægt er að fjármagna með Lykilláni geta verið mótorhjól, fjórhjól, snjósleðar, húsbílar, hjólhýsi og aðrir ferðavagnar.

Lykillán er óverðtryggt

Lykillán er óverðtryggt með breytilegum vöxtum í samræmi við gjaldskrá Lykils á hverjum tíma og taka breytingar mið af almennum vaxtabreytingum á millibankamarkaði á Íslandi. Lykillán er með jöfnum greiðslum (annuitet) sem þýðir að greiðslubyrðin er jöfnuð yfir lánstímann.

Fyrirtæki er skráður eigandi – veð í bílnum

Fyrirtæki er skráður eigandi bifreiðar á lánstímanum en til tryggingar er tekið veð á 1. veðrétti í bifreiðinni/tækinu.

Borga lánið hraðar niður

Lántaki getur borgað Lykillánið hraðar niður. Til að lækka vaxtakostnað er góð leið að greiða inn á lán. Hægt er að greiða aukalega inn á Lykillán eða greiða það upp hvenær sem er á lánstíma án nokkurs uppgreiðslugjalds.

Reiknivél fyrir Lykillán

Auðvelt er að reikna út lán miðað við mismunandi forsendur og sjá greiðslubyrði með því að smella hér á reiknvél.

Allar frekari upplýsingar veita viðskiptastjórar Lykils í síma 540 1700 og á skrifstofu okkar að Ármúla 1 í Reykjavík.

Einnig getur þú sent okkur tölvupóst á lykill@lykill.is